સોલર ઝાટકા મશીન સહાય યોજના : ખેડૂતોને મળશે ₹15,000 સુધીની સહાય, જાણો અરજી કરવાની રીત અને જરૂરી દસ્તાવેજો

ગુજરાતના ખેડૂતો માટે ખેતીના પાકને જંગલી પશુઓ અને રખડતા ઢોરથી બચાવવા માટે સોલર ઝાટકા મશીન (સોલર ફેન્સિંગ) ખૂબ જ ઉપયોગી સાધન છે. ખેડૂતો પોતાના ખેતરની આસપાસ સોલર ઝાટકા મશીન લગાવી પાકનું રક્ષણ કરી શકે છે.

ખેડૂતોને આ સાધન વસાવવા માટે ગુજરાત સરકાર દ્વારા આઇ-ખેડૂત પોર્ટલ મારફતે સહાય આપવામાં આવે છે. આ યોજના હેઠળ પાત્રતા અને મંજૂરીને આધારે ખેડૂતોને ₹15,000 સુધીની સહાય મળવાપાત્ર છે.

સોલર ઝાટકા મશીન સહાય યોજનાની મુખ્ય વિગતો

ખેડૂતોને કેટલી સહાય મળશે?

આ યોજના હેઠળ સોલર ઝાટકા મશીનની ખરીદી માટે કુલ ખર્ચના 50 ટકા અથવા વધુમાં વધુ ₹15,000, બેમાંથી જે રકમ ઓછી હોય તે મુજબ સહાય મળવાપાત્ર છે.

સોલર ઝાટકા મશીન સહાય યોજના જરૂરી ડોક્યુમેન્ટ્સ

•  1. આધારકાર્ડ
• 2. 7/12 જમીનનો ઉતારો
• 3. 8-A ખાતાની નકલ
• 4. બેંક પાસબુકની નકલ
• 5. પાસપોર્ટ સાઇઝ ફોટો
• 6. મોબાઇલ નંબર
• 7. સંયુક્ત ખાતું હોય તો સંમતિપત્ર (જરૂર મુજબ)

સોલર ઝાટકા મશીન સહાય યોજના અરજી કેવી રીતે કરવી?

• 1. i-Khedut પોર્ટલ ખોલો.
• 2. ખેતીવાડી યોજનાઓના વિભાગમાં જાઓ.
• 3. સોલર પાવર યુનિટ/કીટ સહાય યોજનાની પસંદગી કરો.
• 4. ઓનલાઇન અરજી ફોર્મમાં જરૂરી વિગતો ભરો.
• 5. જરૂરી ડોક્યુમેન્ટ અપલોડ કરી અરજી કન્ફર્મ કરો.
• 6. અરજી નંબર સાચવી રાખો.

વધુ માહિતી માટે i-Khedut પોર્ટલ અથવા નજીકના ગ્રામ સેવકનો સંપર્ક કરો.